Şuşa, Ağdam və Cəbrayılda məktəb binaları tikilir.
Bu barədə Təhsil Nazirliyindən məlumat verilib.
Məlumatda qeyd olunub ki, Şuşa şəhərində 1 nömrəli 960 şagird yerlik və Ağdam şəhərində 1 nömrəli 960 şagird yerlik tam orta məktəb binalarının tikinti işlərinə artıq başlanılıb.
Cəbrayıl şəhərində tikiləcək akademik Mehdi Mehdizadə adına 960 şagird yerlik tam orta məktəbin layihə-smeta sənədləri isə hazırlanma mərhələsindədir.
