Avqustun 5-də Türkiyə Prezidenti Rəcəb Tayyib Ərdoğanla Rusiya Prezidenti Vladimir Putin arasında 4 saat davam edən görüş baş tutub.
Elxeber.com TRT-yə istinadən xəbər verir ki, Türkiyә Prezidenti Rəcəb Tayyib Ərdoğan və rusiyalı həmkarı Vladimir Putin Suriyadakı bütün terror təşkilatlarına qarşı koordinasiyalı şәkildә mübarizә aparmaq mәsәlәsindәki qәtiyyәtlәrini ifadә ediblәr.
Görüşdәn sonra yayımlanan birgә bәyanatda Türkiyə ilə Rusiya arasındakı səmimi və etimada əsaslanan əlaqələrin əhəmiyyətinə diqqәt yetirilib. Liderlәr Suriyadakı bütün terror təşkilatlarına qarşı koordinasiyalı şәkildә mübarizә aparmaq mәsәlәsindәki qәtiyyәtlәrini ifadә ediblәr. Liderlәr hәmçinin iki ölkə arasındakı konstruktiv münasibətlərin Ukraynadan taxıl və ərzaq mәhsullarının daşınması ilә әlaqәdar bağlanan sazişin әldә olunmasında böyük rol oynadığını vurğulayıblar.
