Dövlət İmtahan Mərkəzi (DİM) dekabrın 3-də SAT imtahanı təşkil edəcək.
DİM-dən verilən məlumata görə, imtahanda iştirak edəcək şəxslər saat 07:30-dan gec olmayaraq tələb olunan aşağıdakı sənədlərlə birlikdə imtahan binasında olmalıdırlar:
- Şəkilli şəxsiyyət vəsiqəsi və ya ümumvətəndaş pasportu;
- Buraxılış vərəqəsi – “Admission Ticket”.
Sənədlərdən biri olmadıqda və ya sənədlər arasında uyğunsuzluq olduqda iştirakçı test mərkəzinə buraxılmır.
SAT imtahanları haqqında daha ətraflı məlumatı DİM-in saytından əldə etmək olar.
Qeyd edək ki, imtahan DİM-in Nəsimi rayonu, akademik Həsən Əliyev küçəsi, 299 ünvanında yerləşən inzibati binasında baş tutacaq.
