Rusiyanın Ukraynaya hücum etməsi nəticəsində minlərlə insan evlərini tərk etmək
məcburiyyətində qalır ki, bu vəziyyətdən daha çox uşaqlar əziyyət çəkir.
Birləşmiş Millətlər Təşkilatının Qaçqınlar üzrə Ali Komissarlığının məlumatlarına görə, fevralın 24-dən martın 3-dək
yarıdan çoxu Polşaya getməklə, 1 milyon 209 min 976 qaçqın Ukraynadan qonşu ölkələrə keçib.
Bu kütləvi miqrasiyanın ən böyük qurbanı isə uşaqlardır. Birləşmiş Millətlər Təşkilatının Uşaq Fondunun (UNICEF) məlumatına görə, 7 gündə evlərini tərk etməyə məcbur edilən uşaqların sayı 500 mindir.
Yüzlərlə uşaq nə baş verdiyini anlamadan xatirələrini geridə qoyub evlərini tərk edir.
