Amerikanın “FlexJobs” şirkətinin yeni növ koronavirus (Covid-19) epidemiyasından (2020-2022) sonra dəyişən iş şəraiti ilə bağlı keçirdiyi sorğuya görə, amerikalı işçilərin 96 faizi hesab edir ki, hibrid iş onların psixi sağlamlığı üçün faydalıdır.

Elxeber.com xarici KİV-ə istinadla xəbər verir ki, onlayn iş imkanları təmin edən "FlexJobs" şirkətinin mütəxəssisləri əməkdaşların uzaqdan işə yanaşmasını araşdıran sorğu keçirib. Anketdə iştirak edən 5600 nəfərin 96 faizi psixi sağlamlıqlarına xeyirli olduğunu əsas gətirərək ofisdə işləmək üçün hibrid işə üstünlük verib.

Hibrid formada işləmək istəyən 96 faizin 47 faizi distant, 49 faizi həm ofisdən, həm də uzaqdan, cəmi 4 faizi isə yalnız ofisdə işləməyə üstünlük verib.

Fərqli mühitlərdə uzaqdan işləməyin psixi sağlamlıqlarına müsbət təsir göstərdiyini bildirən iştirakçıların 30 faizi uzaqdan işləmənin karyeralarına müsbət təsir etdiyini düşündüklərini söyləyib.

İşçilərin işlərini harada və nə vaxt başa vurduqlarına baxaraq məhsuldarlıq səviyyələrini ölçməklə mütəxəssislər uzaqdan və hibrid işin daha səmərəli olduğu qənaətinə gəliblər.

Mütəxəssislər kəşf ediblər ki, uzaqdan işləməyin insan sağlamlığı üçün ən böyük faydası stress səviyyəsinin azalmasıdır.

Sorğuda müəyyən edilib ki, işə gediş-gəliş arasında yol prosesi işçilərin 87 faizində stressə səbəb olur.

Qeyd edək ki, hibrid iş mühiti modeli də ənənəvi versiyada olduğu kimi, işçilərin ofisdə çalışmasını nəzərdə tutur, ancaq bu zaman onların hər gün ofisə getməsinə ehtiyac olmur.

Müəssisə rəhbərləri tabeliyində çalışan işçiləri analiz edərək onlardan hansılarının öz həmkarları ilə eyni mühitdə daha məhsuldar olduğunu ortaya çıxara və həmin işçilər üçün əvvəlcədən həftənin bir və ya iki gününü ofisdə iş günü kimi müəyyən edə bilər.