Azərbaycanda yay fəsli iyunun 21-də başlayacaq.

Bu barədə Elxeber.com-a Bakı Dövlət Universitetinin (BDU) Astrofizika kafedrasının dosenti Xıdır Mikayılov məlumat verib

"Bu il Azərbaycanda yay fəslinin başlayacağı tarix iyunun 21-i saat 13:13:48-ə təsadüf edir. Bu zaman Yerin fırlanma oxy Günəş istiqaməti ilə ən kiçik bucaq əmələ gətirir və ya Günəş həmin gün günorta vaxtı üfüqdən maksimum hündürlükdə (73⁰.1) olur", - deyə X.Mikayılov qeyd edib.

Onun sözlərinə görə, həmin tarixdə ən uzun gündüz və ən qısa gecə  olur. Belə ki, gündüzün uzunluğu 15 saat 3 dəqiqə 24 saniyə, gecənin uzunluğu isə 8 saat 56 dəqiqə 36 saniyə  olacaq.

Yay fəsli 93 gün 13 saat 50 dəqiqə davam edəcək.