Naxçıvan Muxtar Respublikası ilə Türkiyə arasındakı Sədərək Gömrük Sərhəd-Buraxılış Məntəqəsindən bir qisim yerli sakinlərin istifadəsinə icazə verilib.
Belə ki, muxtar respublika sakinlərinin istehsal etdikləri kənd təsərrüfatı məhsullarını Türkiyədə-İğdır şəhərində satmasına imkan yaradılıb. Bu imkan qarşı tərəf üçün də keçərlidir.
Bu barədə Elxeber.com-a Naxçıvan Muxtar Respublikasında yaşayan sakinlər məlumat verib.
Qeyd edək ki, Azərbaycanla (Naxçıvan) Türkiyə arasındakı Dilucu sərhəd-keçid məntəqəsi bu ilin iyul ayından əhalinin gediş-gəlişi üçün bağlıdır.
