“TEKNOFEST Azərbaycan” festivalında iştirak edəcək Türkiyənin pilotsuz təyyarələri artıq Azərbaycandadır.

Türkiyənin Tekirdağ əyalətinin Çorlu rayonundan səmaya qalxan “Akıncı” pilotsuz uçuş aparatları Gürcüstan üzərindən keçərək Bakıya enib.

Bu barədə Türkiyə mətbuatı yazıb.

Beləliklə, təxminən 2 000 km uçan “Akıncı” təyyarələri üç ölkənin üzərindən uğurlu uçuş həyata keçirib.

Qeyd edək ki, “TEKNOFEST Azərbaycan” festivalı mayın 26-29-da keçiriləcək.

Festivalda Türkiyə Prezidenti Rəcəb Tayyib Ərdoğan, Türkiyənin “Baykar” şirkətinin texniki direktoru və “TEKNOFEST” Aerokosmik və Texnologiya Festivalının İdarə Heyətinin sədri Səlcuq Bayraktar, sənaye və texnologiya naziri Mustafa Varank da iştirak edəcəklər.